Бөлүмдөр
Бейшемби, 15-ноябрь
Баткен облусуБаткен району 05.02.2018 14:07 На русском

Фото — Айгүл-Таш—Согмент—Таян жолу толук курулуп бүтпөй, эл кыйналып жатат

Turmush -  Айгүл-Таш—Согмент—Таян унаа жолунун абалы начар болгондуктан Баткенге каттаган 10дон ашык айылдын элине кыйынчылык жаралууда.

Жергиликтүүлөрдүн айтымында, жолдун пайдаланууга берилгенине 10 жылга чамалап калды. Бирок ушул убакка чейин курулуш иши толук аяктабай, жолдун абалы начар. Учурда бул жолдон Баткен районунун 10дон ашык айылындагы тургундар шаарга каттайт. Абалы начар жол 30 миңдей адамды жүдөтүүдө.

«Эл аргасыздан катташат. Буга чейин Баткен шаарына Сох менен өтчүбүз. Чарбак окуясынан кийин пост жабылып, жаман болсо да өз жолубуз деп каттап калдык. Азыр кышында муз тонот, жазында чаң каптаса, жаанда ылай болот. Асфальт да төшөлгөн эмес», - деди Согмент айылынын тургуну Алмаз Улукбеков.

Ош—Баткен—Исфана унаа жолдор башкармалыгынын башкы инженери Икрам Акматовдун айтымында, Айгүл-Таш—Согмент—Таян жолунун узундугу 20 чакырымды түзүп, 9 жылдан бери курулушу бүтпөй турат.

«Жолдун курулушу 2009-жылы башталган. Сметалык баасы 237 млн сомду түзгөн. Бирок 119 млн сомдук иштер бүткөрүлгөн. Өткөн жылы 8 млн сомдук иш аткарылып, быйылкы жылга акча бөлүнгөн жок. Акча каражаты бөлүнсө тез бүткөрүлөт», - деди Акматов.

2012-жылга чейин Дара, Кыштут айыл өкмөтүндөгүлөр Өзбекстандын Сох районунан гана катташчу. 3 тарабын тоолор курчап тургандыктан район борборуна баруу үчүн кошуна өлкөнүн чек арачыларынын кысымына кабылып келишкен. Чек арадан өткөн учурда сааттап кезек күтүп, ыксыз текшерүүлөргө туш болушчу. 2012-жылдагы Чарбак окуясында чек аралар жабылып, чек аралаш 10 айылдын транспорттук каттамы үзүлгөн. Мындан улам көз карандысыз Айгүл-Таш—Согмен—Таян жолу пайдаланууга берилген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Сервера временно не доступны

По техническим причинам все серверы АКИpress сейчас заняты и не могут ответить на Ваш запрос. Приносим свои извинения за доставленные неудобства.

Попробуйте зайти позднее.

Администрация сайта АКИpress



All AKIpress servers are currently busy and cannot respond to your request due to technical difficulties. We apologize for any inconvenience.

Please, try again later.


Техникалык себептерге байланыштуу АКИpress'тин бардык серверлери бош эмес жана Сиздин чакырыкка жооп бере албайт. Келтирилген ыңгайсыздыктар үчүн кечирим сурайбыз.

Бир аздан кийин кайталап көрүңүз.